بتفكر تبدأ مشروع على الإنترنت ومش عارف تبدأ منين , وتعبت من البحث على الإنترنت عن كيفية الربح من الإنترنت , وإتفرجت على فيديوهات كتيرة كلها عبارة عن ناس بتصور قدام عربيات غالية جدا وماسكة فى إيديها رزم دولارات ومكتوب ( إزاى تكسب 2000 دولار شهرياً من الإنترنت ) , ويطلع كله كلام مش حقيقى.
تعبت من ظبط المنبه كل يوم الساعة 6:00 , وتنزل تصارع الزحمة والسواقة أو المواصلات علشان توصل شغلك فى معاده , علشان مديرك ميخصمش منك , او إنك تقضى 5 أيام فى الأسبوع وتاخد قصادهم يومين متلحقش تعمل فيهم حاجة أو تقضى وقت مع أسرتك , ونفسك تعيش الحياة اللى تتمناها قبل ما تطلع معاش.
دلوقتى تقدر تعمل مشروع على الإنترنت وتحقق منه أرباح ويكون دخل إضافى , مش بس كدة , ده ممكن يكون دخل أساسى ومجزى جداً وهتعرف إيه اهم الموضوعات والمهارات والأدوات اللى هتحتاجها واللى مش هتحتاج منك رأس مال أو حتى خبرة سابقة , ده غير إنك هتستثمر فى مهارات وخبراتك وتعمل الحاجة اللى بتحبها.
إيه هى مميزات إنك تبدأ OnLine Business :
الإستقلال المادى وتحقيق دخل إضافى وممكن يكون دخل أساسى ومجزى جداً.
من غير رأس مال كبير وده لأن معظم الأدوات اللى هتستخدمها هى مجانية ولو هتستخدم الخدمات المدفوعة فتكلفتها بسيطة جداً.
مش محتاج لخبرة أو دراسة محددة علشان تبدأ لأنك هتستثمر فى خبراتك ومهاراتك اللى إكتسبتها سواء من مجال عملك أو هواياتك وإهتماماتك.
حرية الوقت و المكان محدد لأن كل اللى هتحتاجه هو كمبيوتر وإنترنت يعنى ممكن يكون من البيت أو من أى مكان, وفى أى وقت مناسب ليك
كل المهارات اللى هتحتاج تتعلمها هى خطوات هتنفذها , يعنى مس هتحتاج تقضى وقت طويل فى دراسة بعد كدة تبدأ تنفذ , بالعكس المطلوب منك إنك تطبق عملى من أول يوم.
مين يقدر يبدأ مشروع على الإنترنت :
الإجابة على السؤال ده بسيطة جداً , أى شحص عنده كمبيوتر وإتصال بالإنترنت يقدر يبدأ مشروع على الإنترنت حالاً , كل اللى محتاجة هى صبر وإستمرارية ورغبة فى التعلم.
8 خطوات علشان تبدأ مشروع على الإنترنت
1- فكرة المشروع :
تعرف إزاى تلاقى الفكرة المناسبة ليك وتتعرف أكثر على خبراتك ومهاراتك , وإزاى تعرف جمهورك أو Target Audience وإيه اللى هيميز فكرتك عن أى فكرة مشابهة , وكمان إيه أكثر شكل مناسب توصل بيه رسالتك لجمهورك سواء كانت الفكرة بتاعتك هى منتج أو خدمة هتقدمها
الإبداع بيتم على مرحلتين , المرحلة الأولى هى تكوين الفكرة , وده بتكون أنالوج Analog يعنى بإستخدام الورقة والقلم , أما المرحلة الثانية وهى تنفيذ الفكرة , وده بتكون ديجيتال Digital , يعنى بإستخدام الكمبيوتر , يعنى المرحلة ده هى مرحلة الورقة والقلم , والمهارة اللى هتحتاجها هى العصف الذهنى Brain Storming.
2- هوية العميل والفئة المستهدفة :
تحديد هوية العميل Buyer persona هى من أهم الخطوات اللى بتبنى عليها خطتك التسويقية وهى اللى بتحدد صيغة المحتوى اللى هتقدمه, وإنشاء بطاقة الهوية بتساعدك على تحويل نتائج دراسة السوق من أرقام ورسومات بيانية إلى شخصية تقدر تشوف إحتاجاتها وتختار اللغة والصيغة المناسبة.
بتحدد فى بطاقة الهوية بيانات أساسية عن العميل
- السن ( مراحل سنية )
- النوع ( ذكر / إنثى )
- الوظيفة ( ( يعمل / لايعمل / دوام كامل / عمل حر / رائد أعمال …. )
- المكان ( الدولة / المدينة )
- الإهتمامات
- المشاكل والعقبات
- الإحتياجات والأهداف
والمهارات المطلوبة فى الخطوة ده برده الورقة والقلم ومعاهم بحث على الإنترنت وإستطلاع رأى Survey , والأدوات اللى ممكن تستخدمها لعمل إستطلاع رأى وتسجيل بيانات يسهل عليك التحليل وكمان اللى ممكن تستخدم النسخة المجانية منها Type Form أو Google Form
3- بناء الهوية Business Identity :
وده يعنى ان الفكرة يبقى ليها شكل يتشاف بالعين ويكون شكل مميز علشان يتحفظ ويساعد على إنتشاره زى اللوجو والإسم والألوان اللى هتستخدمها ومش لازم تكون Graphic designer محترف فى إستخدام الفوتوشوب علشان تعمل كل ده . والإنترنت بقى مليان برامج وأدوات مجانية هتساعدك زى Canva وده لتصميم الجرافيكس و Colorhunt لإختيار الألوان.
4- تصميم موقع إلكترونى Create a Blog Website :
تصميم ال Website من أهم الخطوات اللى بيهملها ناس كتير لكن اللى اقدر اقولهولك انك دلوقتى تقدر تصمم موقع إحترافى مناسب لأى Business Model من غير ما تحتاج تتعلم لغات برمجة او تكتب كود واحد واللى ممكن تنتهى من تصميمه خلال ساعات محدودة جداً بإستخدام WordPress , واللى ممكن تستخدمه بشكل مجانى Subdomain , أو بشكل أكثر إحترافية واللى هيحتاج شراء Domain name , والإشترالك فى خدمة Hosting من مواقع مخصصة لإستضافة المواقع الإلكترونية
5- صناعة محتوى ذو قيمة Create a high quality content :
وهو انك تبدأ تملا ال Website بتاعك سواء بمقاطع صوتية او فيديو او مقالات والمهارات اللى هتحتاجها هى شوية أساسيات فى التصوير والتسجيل الصوتى وكتابة المقالات , والأدوات والبرامج اللى هتستخدمها – اوداسيتى لتحسين الصوت وادوبى بريمير للفيديو وفيديو سكرايب لأفلام الإنفوجرافيك وكامتاجيا لسكرين كاست.
وطبعا انت مش هتحتاج انك تعرف كل ده انما واحدة بس منهم ممكن تكون كفاية , يعنى لو فكرتك انسب شكل ليها انها تكون قناه إذاعية فكل اللى انت هتحتاجه هو التسجيل الصوتى وبرنامج اوداسيتى علشان تحسين الصوت.
6- التسويق Promote your Business :
وده خطوة مهمة جداً لأن من غيرها محدش هيعرفك ولا هيعرف انك موجود على الإنترنت وفى قنوات كتيرة للتسويق والمطلوب انك تعرف إزاى تستخدمها بالشكل الصحيح ومن أشهرها
- Social Media زى (Facebook – Instagram – YouTube)
- SEO ( Search Engine Optimization ) وده اللى هتساعدك ان موقعك يظهر فى الصفحات الأولى فى Search Engine
- E-Mail Marketing للإيميل ماركتينج
- Answer the Public الإشتراك فى المنصات الخاصة بالإسئلة والرد على الأسئلة المتعلقة بنفس الموضوع أو المجال.
7- خطة النشر Stay consistent :
من مميزات OnLine Business انك هتكون مدير نفسك يعنى محدش هيقولك تعمل ايه وتعمله إمتى علشان كدة لازم يكون عندك خطة للنشر وتلتزم بيها والأدوات اللى هتستخدمها سواء ديجيتال كالدندر او انالوج كالندر تحدد فيها توقيتات عملك والأيام الى هتنشر فيها زى انك تحدد يومين مثلا لنشر بوست على الفيس بوك ويوم فى الشهر انك تنشر فيديو او مقال على الويب سايت.
8- طرق تحقيق الأرباح Monetize your Blog :
وهى انك تعرف ايه هى طرق الربح من traffic أو المستخدمين والمتابعين ليك وهى طرق كتيرة . من الطرق ده :
- الإعلانات على موقعك أو قناتك Ads on your website Google AdSense.
- البيع بالعمولة Affiliate Program.
- بيع منتجات بالتجزئة Drop shipping.
- بيع منتج رقمى Sell Digital product.
- دورة تدريبية Create Online course.
- التسويق لمنتجات علامة تجارية Promote another Brand Product.
- قاعدة بيانات عملاء محتملين Lead Generation and drive traffic to another website.
- بيع الموقع الإلكترونى Sell your Website.
بس علشان تنجح فى كل ده , الخطوة المهمة اللى تركز عليها انه يكون عندك ترافيك عاليه وده مش هيحصل إلا لو كنت بتقدم منتج او خدمة او معلومة ليها قيمة ومفيدة وبتحل مشكلة أو بتساعدة على تطبيق حل لمشكلة.
ايه اللى انت محتاجه علشان تبدأ :
- كمبيوتر وانترنت.
- يكون عندك استعداد انك تتعلم حاجات جديدة.
- عندك استعداد انك تستثمر فى وقتك ومجهودك.
Join Facebook Group
Share your Ideas and get feedback
