هوية العميل Buyer Persona وخدمة البيع المميزة Unique selling preposition هما الإجابة على سؤالين بيتوقف عليهم نجاح أو فشل أى بزنس , السؤالين هما
- من هو عميلك .. وما هى مشكلته التى تحاول حلها من خلال مشروعك ( خدمة – منتج – معرفة ) ؟
- كيف يمكن لمشروعك النجاح , فى حين لم تنجح مشروعات أخرى فى نفس المجال ؟
هوية العميل
تحديد هوية العميل Buyer persona هى من أهم الخطوات اللى بتبنى عليها خطتك التسويقية وهى اللى بتحدد صيغة المحتوى اللى هتقدمه, وإنشاء بطاقة الهوية بتساعدك على تحويل نتائج دراسة السوق من أرقام ورسومات بيانية إلى شخصية تقدر تشوف إحتاجاتها وتختار اللغة والصيغة المناسبة.
بطاقة هوية العميل Buyer Persona
طرق تحديد بيانات العميل
إنت العميل
لو الخدمة أو المنتج اللى بتقدمه أو المعلومات والمعرفة اللى عايز توصلها هى حل لمشكلة أنت نفسك مريت بيها أو خبرة إكتسبتها سواء من خلال وظيفتك أو كورس درسته , أو حتى كتاب قريته , فى الحالة ده هتكون البيانات هى بياناتك.
دايرة معارفك
لو فى حد من قرايبك أو أصدقاءك وإنت من خلال خبرتك ومهاراتك هتقدر تحلله مشكله معينه , أو تحاول تخلى حياته أسهل من خلال مشروعك سواء من خلال المنتج أو الخدمة اللى بتقدمها .
مواقع الإسئلة
من أشهر منصات الأسئلة هى منصة كيورا Quora واللى زاد معدل إنتشارها بشكل كبير , ده غير إنها بتدعم اللغة العربية , عن طريق تطبيق خطوات بسيطة :
- البحث فى المنصة بإستخدام كلمات مفتاحية Keywords بتوصف مجال مشروعك .
- قراءة وتصفح الأسئلة المتعلقة بمجال مشروعك ( مثال .. التسويق الإلكترونى ).
- تدوين وتصنيف الأسئلة المكررة. ( ده مشاكل موجودة فعلاً وأصحاب المشاكل ده بيدورو على حلول ليها ؟
- الإطلاع على صورة وبيانات حساب ناشرين ومتابعين الأسئلة. ( صاحب السؤال هو عميلك المستهدف )
- جمع البيانات لأكثر من سؤال . وتحليل النتائج والخروج بالبيانات .
فيس بوك جروب ( Facebook Group )
دلوقتى بقى كل المواضيع فى كافة المجالات موجود ليها مجموعات على الفيس بوك بيضم مجموعة هائلة من المهتمين فى نفس المجال وأى عضو بيكون عنده سؤال أو إستفسار بيسأله عل الجروب , كل اللى عليك إنك تكرر الخطوات تانى :
- بحث فى فيس بوك بإستخدام كلمة مفتاحية Keyword بتوصف مجال مشروعك.
- تصفية نتائج البحث بإختيار Group tab.
- الإنضمام للمجموعات ومتابعة الإستفسارات.
- تجميع البيانات المتوفرة من خلال الحسابات الشخصية المتاحة .
إستطلاع الرأى Online Survey :
إستخدم أى برنامج من البرامج والأدوات المجانية اللى بتساعدك إنك تعمل إستطلاع وكمان جمع البيانات بشكل يساعدك فى تحليلها , ومن البرامج ده جوجل فورم Google Form , تايب فورم Type Form.
جهز ورقة وقلم وإعمل Brain Storming ..حدد ( 5 ) أماكن على الإنترنت لو عميلك عنده سؤال أو بيدور على حل لمشكلته , هيدور عليه فين , روحله هناك إعرفه أكتر وإسمعه وهو بيتكلم وإفهم مشكلته .
خدمة البيع المميزة Unique Selling Preposition
إعرف منافسيك
أجمع معلومات كافية عن المواقع الإلكترونية وصفحات الفيس بوك اللى بتقدم نفس المنتج أو الخدمة بتاعتك , شوف إيه الميزة اللى بيقدمها وأيه الميزة اللى إنت ممكن تضيفها , قيم الموقع الإلكترونى من حيث عدد المتابعين وإيه أكتر المنصات اللى بتوجه الزوار للموقع , والتحلليل ده ممكن تعمله مجاناً من خلال موقع Similarweb كل اللى عليك إفتح الموقع إكتب عنوان الموقع اللى محتاج بياناته وهو هيقوم بالباقى .
تقييمات عملاءك
تابع تقييمات العملاء اللى بسيتخدمو مواقع أو منصات بتقدم نفس الخدمة أو المنتج , يعنى لو بتقدم منتج معين ممكن تستخدم منصة Amazon وتقرأ تقييمات وتعليقات العملاء..
دور من بين التقييمات على التقييم اللى واخد 3/5 وإقرأ ال review , دور على حاجة شبه ( كان ممكن أدى تقييم أعلى لو ……….. ) , طبعا مش لازم يكون نفس النص لكن نفس المضمون , شوف إيه اللى بعد ( لو ) وده اللى إنت المفروض تركز عليه.
تطبيق عملى
حدد هوية العميل وصمم بطاقة الهوية Buyer Persona
إستخدم الطرق اللى إتقالت وجمع المعلومات والبيانات .
إنضمام لجروب Digital Marketing Classroom وعرف نفسك وإنشر التطبيق العملى.
دور على شغل الأعضاء على الجروب وإديله رأيك , ومتسألش حد عن رأيه فى شغلك بشكل مباشر.
لا تنتظر المساعدة من أحد قبل أن تبدأ بمساعدة الآخرين
